२७ लाखभन्दा धेरै मूल्यका अवैध सामान बरामद

भैरहवा– रुपन्देही प्रहरीले भन्सार छलेर भारतबाट नेपाल ल्याइएको २७ लाख रुपैयाँ भन्दा बढी मूल्यको विभिन्न अवैध सामान बरामद गरको छ ।

Advertisement

इलाका प्रहरी कार्यालय, छपिया, रुपन्देहीबाट खटिएको प्रहरी टोलीले सियारी गाउँपालिका–७, बगैँचास्थितमा चेकजाँच गर्ने क्रममा २७ लाख ४२ हजार रुपैयाँ मूल्य बराबरको भन्सार छलिका सामान बरामद गरेको हो ।

बरामद भएको सामानमा आइफोनको चार्जर केवल ७ हजार ८ सय ५० पिस, इयरफोन ६ हजार २ सय पिस, बिभिन्न किसिमका मोबाइलका ग्लास ४ हजार ९ पिस र मखमलको कपडा ६ हजार ८० मिटर छन् ।

जिल्ला प्रहरी कार्यालय, रुपन्देहीका डीएसपी तथा प्रबक्ता सुरज कार्कीले प्रहरी टोलीलाई देखेपछि सामान ल्याएका व्यक्तिहरु सामान छाडेर भागेको र नियन्त्रणमा लिइएका ति सामान आवश्यक कारवाहीका लागि भैरहवा भन्सार कार्यालय, बेलहिया, रुपन्देहीमा बुझाइएको बताए ।