५२ किसानलाई प्रोत्साहन अनुदान दिइने
बुटवल– रुपन्देहीको बुटवल उपमहानगरपालिकाले ५२ जना किसानलाई मागमा आधारित प्रोत्साहन अनुदान दिने निर्णय गरेको छ । स्थानीय कृषि व्यवसाय प्रवद्र्धन समितिका अध्यक्ष समेत रहेका नगर प्रमुख खेलराज पाण्डेको अध्यक्षतामा बसेको बैठकले माग भएर आएका ५२ जनाकै माग स्वीकृत गरेको हो ।
Advertisement
बुटवल उपमहानगरका वडा नं. ११ देखि १९ सम्मका किसानका लागि लक्षित गरी आह्वान गरिएको माग, योजना र प्रस्ताव हेरेर अनुगमनका आधारमा ५२ जना किसानलाई अनुदान दिने निर्णय गरेको नगर प्रमुख पाण्डेयले जनाए ।
Advertisement
ती वडामा खेतीकिसानी गर्ने किसान, फर्म र संस्थाहरुले पेश गरेको माग अनुसार १० हजारदेखि १ लाख २० हजारसम्मको अनुदान दिने निर्णय गरेको उनले जनाए । निर्णयअनुसार एक महिनाभित्रमा किसान, फर्म र संस्थालाई सम्झौताका लागि आह्वान गर्ने र कार्यक्रम सम्पन्न भएपछि वडाको सिफारिशका आधारमा अनुदान रकम उपलब्ध गराइने कृषि विकास शाखा प्रमुख सन्तोष जिसीले बताए ।
५२ जना किसान, फर्म र संस्थाले तरकारी, केरा, फुल, लसुन, कुरिलो, बेसार, तोरी, मौरीपालन, कन्ये च्याउ, ड्रागन फलफुल, मकैलगायतका खेती गर्नका लागि योजना तथा प्रस्ताव पेश गरेका थिए ।
- लुम्बिनी सरकार विस्तारमा ‘दीपेन्द्रले अड्याएको हलो’
- राष्ट्रियसभा निर्वाचन माघ ११ गते गर्ने सरकारको निर्णय
- देश कति बन्यो, कति बाँकी ?
- के तपाईंको बच्चाको छातीमा घ्यारघ्यार हुन्छ ?
- वनको आम्दानीले विकास
- अख्तियारको निर्देशन र सरकारी अधिकारीको रबैया
- सुत्केरीको मृत्युपछि बुटवलको आम्दा अस्पतालका मेसुमाथि कुटपिट
- चीनको कोइला खानीमा दुर्घटना, ११ को मृत्यु
- जसले २६०० जनालाई मुद्दा हालेर बने करोडपति, गिनिज बुकविरुद्धसमेत मुद्दा
- तीन वर्षपछि बार्सिलोना अन्तिम- १६ मा
प्रतिकृया दिनुहोस्