उद्योग व्यापार संगठनद्वारा राहत प्रदान
भैरहवा– यहाँको उद्योग व्यापार संगठन, रुपन्देही (प्रस्तावित सिद्धार्थ चेम्बर अफ कमर्श)ले आगलागी प्रभावित व्यवसायीलाई आर्थिक सहयोग प्रदान गरेको छ । सिद्धार्थनगर नगरपालिका–५ मैत्रीपथस्थित अमित इम्पेक्सलाई २२ हजार राहत रकम प्रदान गरिएको संगठनका महासचिव सचिन रोक्काले जानकारी दिए ।
गत मंसिर २८ गते उक्त प्रतिष्ठानमा आगलागी भएको थियो । संगठनका अध्यक्ष अनिलकुमार ज्ञवाली, वरिष्ठ उपाध्यक्ष दर्पण श्रेष्ठ, उद्योग उपाध्यक्ष रामचन्द्र रेग्मी, वाणिज्य उपाध्यक्ष कृष्णबहादुर गुरुङ, महासचिव रोक्का र कोषाध्यक्ष राममिलन यादवले सञ्चालक अमितकुमार बेरिवाललाई बुधबार राहतस्वरुप चेक हस्तान्तरण गरेका हुन् । संगठनले संस्थामा आबद्ध विभिन्न समस्यामा परेका उद्योगी व्यवसायीलाई राहत प्रदान गर्दै आएको छ ।
प्रतिकृया दिनुहोस्