होटल तथा रेष्टुरेन्ट व्यवसायी संगठनको अध्यक्षमा न्यौपाने

भैरहवा– होटल तथा रेष्टुरेण्ट व्यवसायी संगठन सिद्धार्थनगर, रुपन्देहीको अध्यक्षमा पिताम्बर न्यौपाने (विष्णु) सर्वसम्मत चयन भएका छन् । भैरहवामा सम्पन्न आठौं वार्षिक साधारणसभा तथा पाँचौ अधिवेशनबाट न्यौपाने अध्यक्षमा चयन भएका हुन् । । अधिवेशनले न्यौपानेको अध्यक्षतामा नयाँ कार्यसमिति सर्वसम्मत निर्वाचित गरेको छ । उनी यसअघि महासचिवको संगठनको महासचिव थिए ।

संगठनको वरिष्ठ उपाध्यक्षमा रामप्रसाद पोखरेल, प्रथम उपाध्यक्षमा लिलाधर भट्टराई, द्वितीय उपाध्यक्षमा मधु ज्ञवाली, महासचिवमा राजेश महोत्रा, सचिवमा बाल बहादुर घिमिरे, कोषाध्यक्षमा नरेन्द्र खनाल र सह–कोषाध्यक्षमा गुनाम्बर गौतम निर्वाचित भएको निर्वाचन समिति संयोजक सुरेन्द्र बस्यालले जानकारी दिए ।

संगठनको सदस्यमा कल्पना न्यौपाने, सितादेवी इटनी, हुमनाथ ढकाल, चेतनारायण आचार्य, नरेश अधिकारी, दिनबन्धु खनाल र दल बहादुर थापा सर्वसम्मत निर्वाचित भएका छन् । साधारणसभा तथा अधिवेशनको जिल्ला समन्वय समिति रुपन्देहीका प्रमुख एकराज विश्वकर्माले उद्घाटन गरेका थिए ।