स्रोत नखुलेको साढे आठ लाखसहित दुई भारतीय पक्राउ

भैरहवा– सशस्त्र प्रहरीले स्रोत नखुलेको करिब साढे आठ लाख रुपैयाँसहित दुई जना भारतीय नागरिकलाई पक्राउ गरेको छ ।

Advertisement

सशस्त्र प्रहरी बल नेपाल बीओपी डण्डा, भैरहवाले ८ लाख ४७ हजार भन्दा धेरै रुपैयाँ लुकाएर नेपालतर्फ आउँदै गरेका दुई जना भारतीय नागरिकलाई पक्राउ गरेको हो ।

Advertisement

उक्त बीओपीका सशस्त्र प्रहरी निरीक्षक कृष्ण अर्यालको नेतृत्वमा खटिएको ९ जनाको मोवाइल गस्ती टोलीले बुधवार राति करिव ९ बजे बेलहियाको बाइपास नजिकै सडकमा चेकजाँचका क्रममा उक्त रुपैयाँसहित पक्राउ गरेको हो ।

पक्राउ पर्नेमा भारत महाराजगंज जिल्ला सोनौली बस्ने ३५ वर्षीय राजन जयसवाल र महाराजगंज जिल्ला नौतनवाका ६५ वर्षीय श्याम प्रकाश छन् । उनीहरु लु ५ प २१९९ नम्बरको मोटरसाइकलबाट भैरहवातर्फ आउँदै गरेका थिए ।

उनीहरुबाट बरामद भएको रुपैयाँको स्रोत खुलाउन नसकेपछि थप अनुसन्धान र कारवाहीका लागि रुपैयाँसहित पक्राउ गरि बिहीवार बुटवलस्थित राजश्व अनुसन्धान कार्यालयमा बुझाइएको सशस्त्र प्रहरी निरीक्षक अर्यालले बताए ।