सिमावर्ती क्षेत्रबाट ठूलो परिमाणमा कफी बरामद

Advertisement

भैरहवा–पश्चिम नवलपरासीको सिमावर्ती क्षेत्रबाट सशस्त्र प्रहरीले २० लाख रुपैयाँ भन्दा धेरै मुल्यको कफीको दाना बरामद गरेको छ ।

Advertisement

सरावल गाउँपालिका–७ गणेशपुरस्थित नेपाल भारत सिमानाको दशगजा क्षेत्रबाट ३४ वटा बोरामा राखेर नेपाल ल्याउँदै गर्दा मंगलबार बिहान साढे ४ बजेतिर २ हजार ४० किलो कफीको दाना बरामद गरेको हो ।

उक्त परिमाणको कफीको दाना बाक्लो कुहिरो लागेर धेरै टाढा देख्न कठिन हुने मौसम पारेर मङ्गलबार बिहान ४ बजेतिर ट्याक्टरमा लोड गरेर अवैध रुपमा ल्याउँदै गर्दा सशस्त्र प्रहरीले बरामद गरेको थियो ।
सशस्त्र प्रहरी बल, २६ नम्बर गण हेडक्वाटर नवलपरासीका सूचना अधिकारी सशस्त्र प्रहरी नायब उपरीक्षक गोविन्द केसीले प्रत्येक बोरामा ६० किलोका दरले ३४ वटा बोरामा कफीको दाना रहेको जनाए ।

उनका अनुसार, बरामदको भएको कफीको मूल्य २० लाख ४० हजार रुपैयाँ रहेको छ । भने, ढुवानीमा प्रयोग भएको ट्याक्टरको मूल्य ८ लाख रुपैयाँ कायम गरीएको छ । कफी र ट्याक्टर महेशपुर भन्सार कार्यालयमा बुझाइएको छ ।