March 29, 2024, Friday
१६ चैत्र २०८०, शुक्रबार

फिल्म फ्लप भएपछि अभिनेताले घटाए फिस

मुम्बई । बलिउड स्टार एक फिल्मका लागि करोडौं रूपैयाँ फिस लिन्छन् । फिल्म हिट भएपछि उनीहरूले फिस बढाउने गरेका छन् । त्यस्तै पटक-पटक फिल्म फ्लप भएपछि उनीहरूको पारिश्रमिक घटाएको पनि रेकर्ड छ । ती कलाकार जसले फिल्म फ्लप भएपछि घटाए आफ्नो फिस ।

Advertisement

अक्षय कुमार :
अभिनेता अक्षय कुमारका लागि वर्ष २०२२ निकै खराब रह्यो । यो वर्ष उनको कुनै पनि फिल्मले बक्स अफिसमा राम्रो व्यापार गर्न सकेको छैन । उनको पछिल्लो फिल्म ‘राम सेतु’मा देखिएका थिए । यो फिल्मले पनि खासै कमाल देखाउन सकेन । मिडिया रिपोर्टका अनुसार अक्षयले फिल्म ‘बडे मियाँ छोटे मियाँ’ को लागि आफ्नो पारिश्रमिक घटाएका छन् ।

Advertisement

टाइगर श्राफ :
कोरोना महामारीपछि टाइगरको करियर अलि सुस्त भएको छ । फिल्म ‘हिरोपन्ति २’ फ्लप भएपछि उनले पनि पारिश्रमिक घटाएका छन् । रिपोर्टका अनुसार अभिनेतालाई फिल्मका निर्माताहरूले फिस कम गर्न आग्रह गरिरहेका छन् ।

आयुष्मान खुराना :
बलिउडका ट्यालेन्ट अभिनेता मध्येका एक हुन् आयुष्मान खुराना । यो वर्ष उनले सफलताको स्वाद चाख्न पाएको छैनन् । २०२२ मा रिलिज भएका उनका फिल्म ‘अनेक’ र ‘डक्टर जी’ ले बक्स अफिसमा खासै कमाल गर्न सकेनन् । लगातार फ्लप फिल्मका कारण उनले आफ्नो पारिश्रमिक घटाउनु परेको बताइएको छ । रिपोर्टक अनुसार उनले २५ घटाएर १५ करोड फिस बनाएका छन् ।