व्यापारीहरूको सरकार

अब त व्यापारीहरूको आफ्नै
सरकार भएछ
यहाँउहाँ जहाँतहाँ जेमा पनि
व्यापार भएछ ।

Advertisement

एकचोटी डाक्टरको क्लिनिकमा गएँ
पटकपटक धाउने भएँ
थरीथरीका औषधी खाँदाखाँदै
औषधी नभए बिरामी पर्ने भएँ ।

Advertisement

सरकारी स्कुल अब स्कुलै रहेन
टाई लगाई बोर्डिङमा एस–नो भनियो
प्लस टु पढी सकिँदासम्म 
बाउबाजेले आर्जेको सारा सकियो ।

बाउबाजेको थाप्लोको ऋण तिर्न
सर्टिफिकेट थन्काई पेटपाल्न हिँडियो
उच्च शिक्षा हासिल गर्ने धोको
खाडीको तातोमा आँसुसँगै बालियो ।

अब धान फल्ने खेत प्लटिङ गर्ने
व्यापारी ठेकेदार भएछ
लघुवित्त ऋणमा चर्को ब्याजदरको
यो कस्तो व्यापार भएछ

परापूर्वदेखिको धर्म, संस्कृति, समाजमा
अब व्यापार छिरेछ
अब त व्यापारीहरूको आफ्नै
सरकार भएछ ।
(लस एन्जेलस) -ratopati