युवाको योगदानको सम्मान गरः उद्योग बाणिज्य महासंघ लुम्बिनी

भैरहवा– नेपाल उद्योग वाणिज्य महासंघ लुम्बिनी प्रदेशले भ्रष्टाचार र सामाजिक सञ्जालमाथि प्रतिबन्धको बिरोधमा शान्तिपूर्ण प्रदर्शनमा उत्रिएका युवा पुस्तामाथि सरकारले गरेको दमनको बिरोध जनाएको छ । राजधानी लगायत मुलुकका विभिन्न सहरमा प्रदर्शनमा उत्रिएका युवामाथि भएको दमन र त्यसक्रममा युवाले ज्यान गुमाएको घटनाले मर्माहत तुल्याएको जनाएको छ ।

Advertisement

महासंघका अध्यक्ष कृष्णप्रसाद शर्माले मंगलबार प्रेस बिज्ञप्ती जारी गरेर प्रदर्शनका क्रममा युवाले ज्यान गुमाएको घटनाले निजी क्षेत्र शोकमा डुबेको उल्लेख गरेका छन् । महासंघ लुम्बिनीले प्रदेश शान्तिपूर्ण संवाद, विधिको शासन र लोकतान्त्रिक मूल्यको संरक्षणमा विश्वास राख्ने जनाएको छ ।

‘सबैं प्रकारका दुःखद घटना दोहोरिन नदिन सम्बन्धित सबै पक्षसित आग्रह गर्दछौं,’ बिज्ञप्तीमा भनिएको छ, ‘समृद्ध, समावेशी र सहिष्णु समाज निर्माणमा युवाको योगदान अमूल्य छ, उनीहरुको आवाजलाई सुन्ने, बुझ्ने र सम्बोधन गर्ने जिम्मेवारी बहन गर्नुपर्छ भन्ने निजी क्षेत्रको धारणा रहेको छ ।’

जेनजी आन्दोलनः भैरहवाको कृषि क्याम्पसका सबै विद्यार्थीद्वारा पार्टीसम्बद्ध संगठन परित्याग, साइनबोर्ड जलाइयो

जेनजी आन्दोलनः ओमसतिया गाउँपालिकाद्वारा शोकमा कामकाज ठप्प

सिउबा संघद्वारा जेनजी आन्दोलनप्रति ऐक्यवद्धता जनाउँदै बजार बन्द आह्वान

रूपन्देहीमा अनिश्चितकालीन निषेधाज्ञा जारी