दलाल पुुँजीवादको शोषणमा पर्ने दिन समाप्त भए : चौधरी

पब्लिक कुरा
२०७८ मंसिर १३

255 Share

गुल्मी– नेपाल कम्युनिस्ट पार्टी एकीकृत समाजवादीका पोलिटब्युरो सदस्य मेटमणि चौधरीले पुँजीवादलाई निर्मम पारेर समाजबादको रुपान्तरणमा लाग्नुपर्ने भन्दै दलाल पूँजीवादको शोषणमा पर्ने दिन समाप्त भएको बताएका छन् ।

सोमवार गुल्मीको सदरमुकाम तम्घासमा जिल्ला कमिटीले आयोजना गरेको वैचारिक, राजनीतिक तथा संगठनात्मक प्रशिक्षण कार्यक्रममा वोल्दै नेता चौधरीले भने, ‘दलाल पुुँजीवादसँग जुधेर सामाजिक रुपान्तरण देश विकासको पक्षमा लाग्नुपर्छ । समाजबादी क्रान्तिलाई अगाडी बढाएर समाज रुपान्तरणमा अघि बढ्नुको विकल्प छैन ।’

अब वैज्ञानिक समाजवादको पक्षमा सबैले क्रान्ति गर्नुपर्ने वेला आएको उनले बताए । ‘अब दलाल पुँजीबादलाई हटाएर समाजबाद रुपान्तरणको पक्षमा लाग्नु पर्छ’, उनले भने, ‘दलाल पुँजीबादसँग जुधेर सामाजिक रुपान्तरण र देश बिकासको पक्षमा लाग्नुपर्छ ।’ नेपाल कम्युनिस्ट पार्टी एकीकृत समाजवादी लुम्बिनी प्रदेश कमिटीका अध्यक्ष समेत रहेका उनले केपी वली पार्टी समाप्त हुँदै गएको दावी गरे ।

‘अहिले एकीकृत समाजवादी पार्टीमा प्रवेश गर्नेहरूको लहर चलेको छ’, उनले भने, ‘वली पार्टीको चितवनमा जारी नाम पढेर केन्द्रीय कमिटी घोषणा गर्ने कार्यक्रममा सहभागी प्रतिनिधिहरुसँग मेरो कुरा भएको छ । केपी वाले टिक्न नदिने भए, ब्यक्ति हावी भयो हामी तपाईंको पार्टीमा आउँछौं भनेका छन् ।’ उनका अनुसार मुलुकको अवको नेतृत्व एकीकृत समाजवादी पार्टीले गर्ने छ ।