सिटीलाई रोक्दै ब्राइटन युरोपा लिगमा

इंग्लिस प्रमियर लिग फुटबलमा च्याम्पियन म्यानचेस्टर सिटी ब्राइटनसँग १-१ गोलको बराबरीमा रोकिएको छ। लिगमा एक खेल बाँकी रहँदा सिटीलाई बराबरीमा रोकेसँगै ब्राइटन शीर्ष ६ मा रहँदै युरोपा लिगका लागि छनोट भयो।

ट्रेबल उपाधितर्फ उन्मुख रहेको सिटीका लागि फिल फोडेनले हालान्डको पासलाई सदुपयोग गर्दै टिमका लागि पहिलो गोल गरेका थिए। तर ब्राइटनका लागि १९ वर्षिय एनसिसोले ३८ औँ मिनेटमा बराबरी गोल फर्काएका थिए। उनको यो जारी प्रमियर लिगमा ११ औँ गोल समेत हो।

खेलमा सिटीका लागि हालान्डले ७९ औँ मिनेटमा गोल गरेपनि उनको गोललाई भिएआरले मान्यता दिएन। त्यसपछि थप गोल हुन नसक्दा सिटीले १२ खेल देखिको लगातार जित यात्रा अन्त गर्दै बराबरीमा रोकिन बाध्य भयो।

Advertisement