March 29, 2024, Friday
१६ चैत्र २०८०, शुक्रबार

आइपिएल: लखनउको छैटौँ जित

पन्जाब किङ्सलाई २० रनले हराउँदै लखनउ सुपर जायन्ट्सले इन्डियन प्रिमियर लिग (आइपिएल) २०२२ टी–ट्वान्टी क्रिकेटमा छैटौँ जित निकालेको छ।

Advertisement

पुनेमा शुक्रबार लखनउले दिएको १५४ रनको लक्ष्य पछ्याएको पन्जाबले २० ओभरमा ८ विकेट गुमाएर १३३ रन मात्र बनायो।

Advertisement

पन्जाबका जोनी बेयर्सटोले सर्वाधिक ३२ रन जोड्दा कप्तान मायांक अग्रवालले २५ रन बनाए। लखनउका मोसिन खानले ३ विकेट लिए।

यसअघि पहिले ब्याटिङ गरेको लखनउले २० ओभरमा ८ विकेट गुमाएर १५३ रन बनायो। लखनउका क्विन्टन डी ककले सर्वाधिक ४६ रन जोड्दा दिपक होडाले ३४ रन बनाए।

पन्जाबका कागिसो राबडाले ४ विकेट लिए । लखनउले ८ खेलबाट १२ अंक जोड्दै तेस्रो स्थानमा उक्लिएको छ। पन्जाबले ९ खेलबाट ८ अंक जोड्दै सातौँ स्थानमा छ।