सिरी एः युभेन्ट्सको पुनरागमन जित

एक गोलले पछि परेको स्थिति उल्टाउँदै युभेन्ट्सले इटालियन सिरी एमा पुनरागमन जित निकालेको छ।

गएराति भएको खेलमा युभेन्ट्सले सासुओलोलाई २-१ अन्तरले पराजित गर्दै च्याम्पियन्स लिगमा स्थान बनाउन बलियो सम्भावना बनाएको हो।

Advertisement

खेलको ३८औँ मिनेटमा जिआकोमो रास्पाडोरीले गोल गर्दै घरेलु टोली आसुओलोलाई अग्रता दिलाए। तर, अर्जेन्टिनी स्टार पाउलो डेबलाले ४५औँ मिनेटमा गोल गर्दै खेल १-१ को बराबरीमा ल्याए।

खेल सकिन दुई मिनेट बाँकी रहदा मोइसे केइनले गोल गर्दै युभेन्ट्सको जित सुनिश्चित गरे। जितसँगै युभेन्ट्सले ३४ खेलबाट ६६ अंक बनाएर चौथो स्थानमा रहेको छ।

सासुओलो ४६ अंकसहित दशौँ स्थानमा छ। सिरीको शीर्ष स्थानमा एसी मिलान रहेको छ।