बेन्जिमाको गोलमा रियल मड्रिडको जित

स्पेनिस ला लिगा फुटबल अन्तर्गत शनिबार राति भएको खेलमा शीर्ष स्थानको रियल मड्रिडले करिम बेन्जिमाको गोलमा सहज जित दर्ता गरेको छ ।

अवे मैदानमा भएको खेलमा करिम बेन्जिमाले पेनाल्टी मार्फत दुई गोल गरेका हुन् । उनले १९ र ६९ औँ मिनेटमा पेनाल्टी मार्फत गोल गरे । सेल्टा डी भिगोका लागि ५२ औँ मिनेटमा नोलितोले एक गोल फर्काए ।

Advertisement

जितपछि शीर्ष स्थानको रियल मड्रिडको ३० खेलबाट ६९ अंक भएको छ।

शनिबार राति नै भएको खेलमा एलाभेसलाई ४–१ ले पराजित गरेको एथ्लेटिको मड्रिड तेस्रो स्थानमा उक्लिएको छ । उसको ३० खेलबाट ५७ अंक भएको छ । २९ खेलबाट ५७ अंक नै जोडेको सेभिल्ला दोस्रो स्थानमा छ ।

शनिबार राति भएका खेलमा गेटाफेले मालोर्कालाई १–० तथा लेभान्टेले भिल्लारियललाई २–० ले पराजित गरेका छन्।