आर्सनलमाथि लिभरपुलकाे जीत,  म्यानचेस्टर सिटी शीर्ष स्थानमा कायमै

इंग्लिस प्रिमियर लिगअन्तर्गत बुधबार राति भएको खेलमा आर्सनललाई २-० अन्तरले पराजित गर्दै दोस्रो स्थानको लिभरपुलले शीर्ष स्थानको म्यानचेस्टर सिटीसँगको दूरी एक अंकमा झारेको छ।

लण्डनमा लिभरपुललाई जिताउन दोस्रो हाफमा डिअगो जोटा र रोबर्टो फर्मिनोले एक-एक गोल गरे।

Advertisement

जीतसँगै लिभरपुलको २९ खेलबाट ६९ अंक छ। शीर्ष स्थानको सिटीको समान खेलबाट ७० अंक छ।

हारसँगै तेस्रो स्थानमा उक्लिने मौकाबाट चुकेको आर्सनल ५१ अंकसहित चौथो स्थानमा छ।

यता गएराति नै भएको अर्को खेलमा टोटनहमले ब्राइटनलाई २-० अन्तरले पराजित गरेकाे छ। टोटनहमको जीतमा क्रिष्टियन रोमेरो र ह्यारी केनले समान एक-एक गोल गरे।

जीतसँगै टोटनहम ४८ अंकसहित सातौं स्थानमा छ। ३३ अंकसहित ब्राइटन १३ औं स्थानमा छ।