नाइजेरियाले जित्यो समूह चरणका सबै खेल

क्यामरुनमा जारी अफ्रिका कप अफ नेशन्स अन्तर्गत समूह चरणका सबै तीन खेलमा जित निकालेको एकमात्र टिम नाइजेरिया समूह विजेता बनेको छ ।

Advertisement

समूह डी अन्तर्गत बुधबार राति भएको खेलमा गिनी बिसाउलाई २–० ले पराजित गरेको नाइजेरिया तीन खेलबाट ९ अंकसहित समूहको शीर्ष स्थानमा रहेर अन्तिम १६ मा पुगेको हो ।

नाइजेरियाको जितमा ५६ औँ मिनेटमा सादिक र ७५ औँ मिनेटमा ट्रूस्ट–एकोङले गोल गरेका हुन्।

बुधबार राति नै भएको खेलमा सुडानलाई १–० ले पराजित गरेको इजिप्ट दोस्रो स्थानमा रहेर अन्तिम १६ मा पुगेको छ । इजिप्टको जितमा ३५ औँ मिनेटमा मोहम्मद अहमदले गोल गरेका हुन् । दोस्रो स्थानमा रहेको इजिप्टको ६ अंक छ ।