December 3, 2021, Friday
१७ मंसिर २०७८, शुक्रबार

मेस्सीले दुई गोल सहयोगमा पिएसजीको पुनरागमन जित

च्याम्पियन्स लिग फुटबल अन्तर्गत मंगलबार राति भएको खेलमा पेरिस सेन्ट जर्मेन (पिएसजी) लाई जिताउन लियोनल मेस्सीले दुई गोल गरेका छन् ।

Advertisement

घरेलु मैदानमा भएको खेलमा समूह ए को पिएसजीले आरबी लेइप्जिगलाई ३–२ ले पराजित गरेको हो ।

नवौँ मिनेटमा केलियन एमबाप्पेको गोलमा पिएसजीले सुरुवाति अग्रता लियो । तर आरबीका लागि २८ औँ मिनेटमा आन्द्रे सिल्भा र ५७ औँ मिनेटमा नार्डी मुकिएलले गोल गरे । पछि परेको पिएसजीका लागि मेस्सीले ६७ र ७४ औँ मिनेटमा गोल गरेका हुन् ।

उनले व्यक्तिगत दोस्रो गोल पेनाल्टी मार्फत गरे । इन्जुरी समयको चौथो अर्थात ९४ औँ मिनेटमा पाएको पेनाल्टीमा एमबाप्पेले गोल गर्न सकेनन् ।

जितपछि पिएसजी तीन खेलबाट सात अंकसहित समूहको शीर्ष स्थानमा छ । ६ अंकसहित म्यानचेस्टर सिटी दोस्रो स्थानमा रहेको छ ।