म्यानचेस्टर सिटी अन्तिम १६ मा

लिग कफ फुटबल अन्तर्गत मंगलबार राति भएको खेलमा म्यानचेस्टर सिटी विजयी भएको छ । घरेलु मैदानमा भएको खेलमा म्यानचेस्टर सिटीले विकोम्बे वान्डरर्सलाई ६–१ ले पराजित गरेको हो ।

सिटीका लागि रियाद महरेजले दुई तथा केविन डी ब्रूयना, फिल फोडिन, फेरान टोरेस र कोल पाल्मरले एक–एक गोल गरे ।

Advertisement

ब्रान्डन हालनको गोलबाट विकोम्बेले सुरुवाति अग्रता लिएको थियो । तर पुनरागमन गर्दै शानदार जित निकालेर साबिक विजेता म्यानचेस्टर सिटीले अन्तिम १६ मा स्थान बनाएको हो ।

मंगलबार राति नै भएको खेलमा नर्विच सिटीलाई ३–० ले पराजित गरेको लिभरपुलले पनि अन्तिम १६ स्थान पक्का गरेको हो ।