October 24, 2021, Sunday
७ कार्तिक २०७८, आईतवार

एम्बाप्पे अन्ततः रियल नजाने भए

अन्ततः किलियान एम्बाप्पे यो सिजन पेरिस सेन्ट जर्मेन छाडेर रियल म्याड्रिड नजाने भएका छन् । युवा खेलाडीलाई अनुबन्ध गर्ने छलफलबाट रियल पछि हटेपछि उनी यो सिजन  फ्रेन्च क्लबमा नै रहने पक्का भएको हो ।

यो सिजन नै एम्बाप्पेलाई भित्र्याउनेमा आशावादी रहेको स्पेनिस महारथीले अन्त्यमा पीएसजीको २० करोड यूरोको माग पूरा गर्न अस्वीकार गरेको गोल डकटमले बताएको छ । यो सिजनको अन्त्यसम्म एम्बाप्पेको पीएजसीसँग करार रहेको छ । अब उनी लियोनेल मेस्सी र नेयमारसँगै खेल्ने छन् ।

यसअघि रियलले एम्बाप्पेलाई अनुबन्ध गर्न पीएसजीसँग दुईवटा अफर गरेको थियो । दोस्रो पटक १७ करोड युरो र थप १ करोड एडअनसहित अफर राखिएको थियो । पहिलो अफर अस्वीकृत भएसँगै गरिएको दोस्रो अफरपछि रियल २२ वर्षीय फ्रेन्च स्ट्राइकरलाई भित्र्याउनेमा ढुक्क थियो । तर, पीएसजीले दुवै अफरलाई अस्वीकार गरेको थियो ।

रियल जाने मुडमा रहेका एम्बाप्पेले पनि पीएसजीले उनीसामु राखेको करार नवीकरणका ६ वटा अफर अस्वीकार गरेका थिए । अब रियलले एम्बाप्पेसँग छलफल शुरु गर्न जनवरीसँग पर्खनुपर्नेछ । जनवरीमा प्रारम्भिक करार गरेर अर्को सिजनमा सित्तैमा एम्बाप्पेलाई सित्तैमा भित्र्याउन सक्नेछ ।

क्लब छाड्ने हल्लाबीच एम्बाप्पेले आइतबार रेइम्सविरुद्धको खेलमा शुरुवात गरेका थिए । २–० को जीतमा उनले नै दुवै गोल गरेका थिए ।