एभर्टनको लिग कपमा जित

लिग कप फुटबल (इएफएल) अन्तर्गत मंगलबार राति भएको खेलमा एभर्टन विजयी भएको छ । अवे मैदानमा भएको खेलमा १० खेलाडीमा सीमित एभर्टनले हडर्सफिल्ड टाउनलाई २–१ ले पराजित गरेको हो ।

२६ औँ मिनेटमा इवोबीको गोलबाट एभर्टनले सुरुवाति अग्रता लियो । ४५ औँ मिनेटमा लीसले हडर्सफिल्डका लागि बराबरी गोल फर्काए । ५९ औँ मिनेटमा केन सीधै रातो कार्ड पाएर मैदानबाट बाहिरिएपछि एभर्टन १० खेलाडीमा सीमित भयो । ७९ औँ मिनेटमा टाउनसेण्डले एभर्टनका लागि विजयी गोल गरेका हुन् ।

मंगलबार राति नै भएका अरु खेलमा नर्विचले बोर्नमाउथलाई ६–०, स्वान्सीले प्लाइमाउथलाई ४–१, एस्टन भिल्लाले बारोलाई ६–०, सन्डरल्याण्डले ब्ल्याकपुललाई ३–२, लीड्सले क्रिवेलाई ३–०, प्रेस्टनले मोरक्याम्बीलाई ४–२, शेफिल्ड युनाइटेडले डर्बीलाई २–१ तथा स्टोकले डनकास्टरलाई २–० ले पराजित गरेका छन् ।

Advertisement