क्रोएसियालाई ५-३ ले हराउँदै स्पेन युरोकपको क्वाटरफाइनलमा
विश्वकपको साविक उपविजेता क्रोएसियालाई ५-३ गोलले पराजित गर्दै स्पेन युरोकप २०२० को क्वाटरफाइनलमा पुगेको छ।
Advertisement
निर्धारित ९० मिनेटको खेल ३-३ गोलको बराबरीमा सकिएपछि थपिएको ३० मिनेटमा स्पेनका अल्भारो मोराटा र मिकेल ओयारजाबलले एक एक गोल गरेका थिए। मोराटाले एक सय र एक सय ३ औँ मिनेटमा ओयारजाबलले गोल गरेका हुन्।
Advertisement
दुवै गोलमा डानी ओल्मोले क्रसमार्फत पास उपलब्ध गराएका थिए। ओयारजाबल ८८ र ओल्मो ७१ औँ मिनेटमा वैकल्पिक खेलाडीका रुपमा मैदान प्रवेश गरेका थिए। त्यसअघि अन्तिम समयमा २ गोल गर्दै क्रोएसिया निर्धारित ९० मिनेटमा बराबरीमा फर्किएको थियो।
खेलमा ३-१ गोलले पछाडि रहेको अवस्थामा मिस्लाभ अर्सिचले ८५ र मारियो पसालिचले इन्जुरी समयको दोस्रो मिनेटमा गोल गोल गर्दै खेललाई अतिरिक्त समयमा धकेलेका थिए। अर्सिच ६७ र पसालिच ७९ औँ मिनेटमा वैकल्पिक खेलाडीका रुपमा मैदान प्रवेश गरेका थिए।
त्यसअघि क्रोएसियाले आत्मघाती गोलमार्फत अग्रता लिएपनि स्पेनले त्यसपछि लगातार तीन गोल गरेको थियो। स्पेनका पेड्रीले दिएको ब्याक पास स्पेनका गोलरक्षकले नियन्त्रणमा लिन नसक्दा २० औँ मिनेटमा आत्मघाती गोल भएको थियो।
तर स्पेनले ३८ औँ मिनेटमा खेल बराबरीमा ल्यायो। पाउलो सराबियाले हेडमार्फत गोल गरेका थिए। दोस्रो हाफको सुरुमै स्पेनले अग्रता लिएको थियो। ५७ औँ मिनेटमा सिजर एज्पुलिकुएटाले गोल गरेका थिए। फेरान टोरेसले ७७ औँ मिनेटमा अग्रता दोब्बर बनाएका थिए।
प्रतियोगिताअन्तर्गत केहीबेरमा हुने अर्को प्रिक्वाटरफाइनलमा फ्रान्स र स्वीट्जरल्यान्डबीच प्रतिस्पर्धा हुने छ।
- लुम्बिनी सरकार विस्तारमा ‘दीपेन्द्रले अड्याएको हलो’
- राष्ट्रियसभा निर्वाचन माघ ११ गते गर्ने सरकारको निर्णय
- देश कति बन्यो, कति बाँकी ?
- के तपाईंको बच्चाको छातीमा घ्यारघ्यार हुन्छ ?
- वनको आम्दानीले विकास
- अख्तियारको निर्देशन र सरकारी अधिकारीको रबैया
- सुत्केरीको मृत्युपछि बुटवलको आम्दा अस्पतालका मेसुमाथि कुटपिट
- चीनको कोइला खानीमा दुर्घटना, ११ को मृत्यु
- जसले २६०० जनालाई मुद्दा हालेर बने करोडपति, गिनिज बुकविरुद्धसमेत मुद्दा
- तीन वर्षपछि बार्सिलोना अन्तिम- १६ मा
प्रतिकृया दिनुहोस्