संसदीय समितिहरू पुरानै पारामा चलेः सांसद ढकाल
Advertisement
भैरहवा– गुल्मी–१ का प्रतिनिधिसभा सदस्य सागर ढकालले संसदीय समितिहरू पुरानै पारामा चलेको भन्दै आक्रोश व्यक्त गरेका छन् । कृषि तथा प्राकृतिक स्रोत समितिको बैठकमा बोल्दै सांसद ढकालले सो कुरा बताएका हुन् ।
Advertisement
‘अबको केही दिनमा हामी सांसद भएको ६ महिना पुग्छ, यो भनेको ५ वर्षे कार्यकालको १० प्रतिशत समय हो । यत्तिको समयसम्म पनि हामीले के काम गर्यौँ । संसदीय समितिहरूले सरकारलाई निर्देशन कति दिन सक्यो, सभापतिज्यू निर्णय गरौँ,’ ढकालले समितिका सभापति अशोक कुमार चौधरीलाई इङ्गित गर्दै भने ।
उनले नेपाल कृषि अनुसन्धान परिषद् (नार्क)का कर्मचारीले दिएको सुझाव र विषय समितिमा छलफल गरेर मात्रै नहुने भन्दै कार्यान्वयनमा जोड दिनुपर्ने बताए । ‘यहाँ समितिका नार्कका कर्मचारीले यति राम्रो सुझाव र विषय उठाएका छन् तर कार्यान्वयनको पाटो हाम्रो जिम्मेवारी हो । त्यसमा चुक्नुहुँदैन,’ उनले भने ।
कृषि तथा प्राकृतिक स्रोत समितिमा नार्क अन्तर्गतका क्षेत्रीय कार्यालय तथा अनुसन्धान केन्द्रहरूको स्थलगत अनुगमनबाट पहिचान भएका समस्या तथा चुनौती, कृषि अनुसन्धान प्रणाली सुदृढीकरणका उपायका सम्बन्धमा छलफल भइरहेको छ ।
प्रतिकृया दिनुहोस्