एआई एक्स–रे प्रविधिको खोजीबाट बाँकेमा क्षयरोगका धेरै बिरामी फेला परे

पब्लिक कुरा
२०८३ जेष्ठ १

1130 Share

नेपालगन्ज–एआई एक्स–रे प्रविधिबाट क्षयरोगीको खोजी तीव्र पारिएपछि बाँके जिल्लामा क्षयरोगका बिरामी फेला पर्ने क्रम पनि बढेको छ । एआई एक्स–रे प्रविधिबाट क्षयरोगीको खोजी गर्न थालेपछि बिरामीको फेला पर्ने क्रम पनि बढेको दावी स्वास्थ्य कार्यालय बाँकेले गरेको छ ।

स्वास्थ्य कार्यालय बाँकेका क्षयरोग फोकल पर्सन रविन्द्रकुमार शाहले चालु आर्थिक वर्षको साउनदेखि चैत मसान्तसम्म बाँकेमा ७ सय २९ जना क्षयरोगका बिरामी फेला परेको जनाए । सबैभन्दा धेरै नेपालगन्ज उपमहानगरपालिका र कोहलपुर नगरपालिकामा बिरामी भेटिएका छन् ।

नेपालगन्ज उपमहानगरपालिका मा २ सय र कोहलपुर नगरपालिका मा १ सय २९ जना क्षयरोगी फेला परेका छन् । डुडुवा गाउँपालिका मा ६२, बैजनाथ गाउँपालिका मा ९३, खजुरा गाउँपालिका मा ९२ र जानकी गाउँपालिका मा ५८ जना बिरामी फेला परेका छन् ।

राप्तीसोनारी गाउँपालिका मा ५० र नरैनापुर गाउँपालिका मा ४५ जना फेला परेका छन् । शाहका अनुसार गत वर्ष बाँकेमा १ हजार १ सय ८२ जना क्षयरोगका बिरामी फेला परेकोमा यस वर्ष नौ महिनामै ७ सय २९ जना नयाँ बिरामी पहिचान भइसकेका हुन् । पछिल्लो समय समुदायस्तरमै क्षयरोग पहिचान गर्न एआई एक्स–रे विधिबाट सक्रिय खोजपड्ताल शिविर सञ्चालन भइरहेको छ ।