एभरेष्ट बैंकका ग्राहकलाई एशियन होटलले छुट दिने

पब्लिक कुरा
२०८२ फाल्गुन ११

997 Share

भैरहवा–एशियन होटल लिमिटेड (एसियन बुद्ध होटल) भैरहवाले एभरेष्ट बैंक लिमिटेडका ग्राहकलाइ विभिन्न सेवासुविधामा छुट दिने भएको छ । यसका लागि एभरेष्ट बैंक र एशियन होटल लिमिटेड बिच सम्झौता भएको छ ।

सम्झौता अनुसार, दशैं र तिहारबाहेक अन्य समयमा उक्त बैंकका ग्राहक र कर्मचारीलाई रेष्टुरेण्ट खाना, स्पा, बार फूड लगायतमा १५ प्रतिशत छुट प्रदान गरिनेछ । यो छुट एक वर्षसम्मको अवधिका लागि हुने जनाइएको छ ।

सम्झौता अनुसार बैंकको डेबिट, क्रेडिट, कार्डबाहक ग्राहक र मोबाईल बैंकिङ्ग प्रयोगकर्तालाई होटलले विभिन्न सुविधामा छुट दिने छ । सम्झौता–पत्रमा एशियन बुद्ध होटलका अपरेशन म्यानेजर जे.पी. सुवेदी, एभरेष्ट बैंक लिमिटेड भैरहवा शाखा प्रबन्धक जोशन जोशीले हस्ताक्षर गरेका छन ।